ԴԱՐՁԻՐ ԹԻՄԻ ԱՆԴԱՄ
Մարզվի'ր, մրցի'ր և զարգացի'ր Հայաստանի Գրեփլինգի, Պանկրատիոնի և Սիրողական MMA-ի ֆեդերացիայի ներքո։
Քո ճանապարհը կարող է տանել քեզ մարզային ակումբից մինչև ազգային հավաքական — և անգամ դեպի «Փառքի սրահ»։
Այստեղ յուրաքանչյուր մարզիկ ստանում է հնարավորություն զարգանալու և հպարտությամբ ներկայացնելու Հայաստանը։
ՄԵՐ ՄԱՐԶԻԿՆԵՐԸ
Մեր ֆեդերացիան միավորում է ավելի քան 2,500 մարզիկների Հայաստանի բոլոր մարզերից — սկսնակներից մինչև միջազգային մրցաշարերում հանդես եկող փորձառու մարզիկներ։
Նրանք մարմնավորում են այն ուժը, կարգապահությունն ու ազգային հպարտությունը, որոնք բնորոշ են հայկական մարտարվեստին։
Յուրաքանչյուր մարզիկ, ով կրում է մեր խորհրդանիշը, դառնում է մի մեծ ընտանիքի մաս՝ կառուցված վստահության, հարգանքի և միասնական նպատակների վրա։
ՁԵՌՔԲԵՐՈՒՄՆԵՐ
2020-ից ի վեր մեր մարզիկները նվաճել են 72 մեդալ՝ աշխարհի և Եվրոպայի առաջնություններից, և տասնյակ հաղթանակներ միջազգային մրցումներում։
Սա պատահական չէ․ ամեն մեդալի հետևում կա տարիների աշխատանք, հաղթահարված դժվարություններ ու հաղթելու ուժեղ հավատ։
Շատերն արդեն արժանացել են Հայաստանի Հանրապետության սպորտի վարպետի և միջազգային կարգի վարպետի կոչումներին՝ ապացուցելով, որ նվիրումով և աշխատասիրությամբ հնարավոր է հասնել ամենաբարձրին։
Այս ամենը միայն անհատական հաղթանակներ չեն․ դրանք մեր մեծ ընտանիքի հաղթանակներն են՝ միավորված մեկ գաղափարով՝ պատիվ, ուժ և Հայաստան։ 🇦🇲
ՓԱՌՔԻ ՍՐԱՀ
Փառքի սրահում ընդգրկված են մեր այն մարզիկների պատմությունները, որոնք հավատով, ուժով ու նվիրվածությամբ Հայաստանի անունը բարձր են պահել միջազգային ամենաբարձր ասպարեզում՝ գրեփլինգի, պանկրատիոնի և MMA-ի մրցաշարերում։
Այստեղ հայտնվելը յուրաքանչյուր մարզիկի նպատակն ու երազանքն է՝ լինել այն մարզիկների կողքին, ովքեր իրենց աշխատանքով ապացուցել են, որ կարգապահությունը, հավատարմությունն ու պայքարը միշտ բերում են հաղթանակի։
Մեր լավագույն մարզիկները
Ռազմիկ
Միսակյան
Եվրոպայի առաջնության արծաթե, աշխարհի առաջնության կրկնակի բրոնզե մեդալակիր
Մայիս
Ներսեսյան
Եվրոպայի չեմպիոն, Համաշխարհային մարտական խաղերի չեմպիոն, Եվրոպայի արծաթե և բրոնզե մեդալակիր, աշխարհի առաջնության կրկնակի արծաթե և կրկնակի բրոնզե մեդալակիր
Սպարտակ
Միքայելյան
Աշխարհի առաջնության ոսկե մեդալակիր, աշխարհի առաջնության կրկնակի բրոնզե մեդալակիր
Ռ աֆայել Կոստանյան
Աշխարհի առաջնության արծաթե մեդալակիր, աշխարհի առաջնության բրոնզե մեդալակիր
Արթուր
Զաքարյան
Եվրոպայի առաջնության բրոնզե մեդալակիր
Սուրեն Խուրդայան
Աշխարհի վետերանների առաջնության կրկնակի արծաթե մեդալակիր
Տիգրան Ղազախյան
Աշխարհի առաջնության երեքակի բրոնզե մեդալակիր
Հովհաննես Հովհաննիսյան
Աշխարհի առաջնության եռակի բրոնզե մեդալակիր
Արամ
Ավագյան
Երիտասարդների աշխարհի առաջնության բրոնզե մեդալակիր
Հրաչյա Ղազախյան
U15 աշխարհի առաջնության ոսկե մեդալակիր, U17 աշխարհի առաջնության բրոնզե մեդալակիր
Սարգիս
Վիրաբյան
Աշխարհի առաջնության ոսկե մեդալակիր, աշխարհի առաջնության կրկնակի բրոնզե մեդալակիր
Վանիկ
Սարգսյան
U15 աշխարհի առաջնության ոսկե մեդալակիր, U15 աշխարհի առաջնության բրոնզե մեդալակիր, U17 աշխարհի առաջնության բրոնզե մեդալակիր
Դանիել
Համբարձումյան
Պանկրատիոնի պատանիների աշխարհի առաջնության բրոնզե մեդալակիր
ՄԱՐԶԻԿԻ ՃԱՆԱՊԱՐՀԸ․ ԿՐԹՈՒԹՅՈՒՆ ԵՎ ԱՐԺԵՔՆԵՐ
Մեզ համար ամենակարևորը արդար սպորտն է, կարգապահությունն ու իրական սպորտային ոգին։
Մեր մարզիկները հետևում են UWW-ի կանոններին և հակադոպինգային սկզբունքներին՝ մրցելով ազնվորեն ու հարգանքով։
Մենք ցանկանում ենք, որ մրցագորգից դուրս էլ մարդիկ ճանաչեն նրանց որպես օրինակելի երիտասարդներ՝ նվիրվածությունով, ուժով ու մարդասիրությամբ։