Հուշագիր է ստորագրվել Հայաստանի ֆիզիկական կուլտուրայի և սպորտի պետական ինստիտուտի և Հայաստանի գրեփլինգի ֆեդերացիայի միջև
- Grappling Armenia
- Nov 19
- 1 min read
Փոխըմբռնման հուշագիր է ստորագրվել Հայաստանի ֆիզիկական կուլտուրայի և սպորտի պետական ինստիտուտի (ՀՖԿՍՊԻ) և Հայաստանի գրեփլինգի ֆեդերացիայի միջև։
Համաձայնագիրը ստորագրեցին ՀՖԿՍՊԻ-ի ռեկտոր Տիգրան Սիմոնյանը և Ֆեդերացիայի գլխավոր քարտուղար Վլադիմիր Հովհաննիսյանը ։
Երկու կողմերն էլ պատրաստակամություն հայտնեցին համագործակցել բարձրագույն կրթության շրջանակներում ըմբշամարտի մասնագետների, այդ թվում՝ մարզիչների և մրցավարների պատրաստման և զարգացման գործում։
Այս համագործակցության շրջանակում համաձայնություն ձեռք բերվեց համալսարանում մշակել և ներդնել նոր շարունակական կրթության ծրագիր , որը նպատակաուղղված կլինի Գրեփլինգի որակյալ մասնագետների պատրաստմանը։
Հանդիպման ընթացքում քննարկվեց նաև այլ մարզաձևերի մասնագիտացում ունեցող ուսանողների համար գրեփլինգի գործնական դասընթացներ կազմակերպելու հնարավորությունը։
Ֆեդերացիան իր երախտագիտությունն է հայտնում Ինստիտուտին Հայաստանում Գրեփլինգի զարգացմանը ցուցաբերած գործընկերության և նվիրվածության համար։
Comments